Fenno, disset lu Béca, après vei dîna, parei que notre jône meitre ei riba.
     - Ah! dit la Mariéto, moussur Frederi ei en vacanças ? Eh bé, ca toumbo bien. Nous ne saben que fâ de notreis perous " Loungovarts ", nous vam l'in fâ passâ. Ca li faro plasei.
- T'as rasou, pito. Envoyo l'in par notre drôle. "
     Dei l'endemo, couma qu'éro counvengu, Jean Picatau fuguet charja de pourtâ lu present.
     Avant qu'ô s'en ane, sa mai li recoumandet : " Et surtout, te chaulio pas en chami et sio poli. T'ovas bé, této de grelet ? "
     Lu goujat partit, bien eifarbi, avéque soun panié sous lu bras.O v'éro countent de nâ se parmenâ et, tout en se dôdinant, ô chantavo la " Yoyéto ".
     Vous cresez plo qu'en routo ô crôgnet la meita dôs perous? Deitroumpas-vous. Quoiqu'ô n'ayet n'envio folIo, Ô n'en minget pas quitament un : ô vio lu janzi, lu paubre chet.
     Si lu panié rartet plet, ô aguet tout parié un pitit acident. En passant dins lu bouei de Peipinsou, Picatau eipiavo dôs jais que s'accoursavan. Pendent qu'ô levavo la této, uno racino l'entrôpet et ô masset un pôfignou. Lous perous, étou is, rudeléren. N'y o que se machéren; d'autreis, pus chançous (?) toumbéren sur quauquo ret de mouflet que ne sentio pas à boun. Tout autre que Picatau n'ôrio gu de l'einuei, mas se, que n'éro pas bilous, s'eimôvet point par co. Avéque soun davantau, ô eissujet lous perous que se vian chôlias. Après, is marquavan miei que lous autreis. Lusissian coum'un eimirai et se souvenian pus de ço qu'is vian sina.
     Pau de temps après queü pitit malur, Picatau ribet ô chateü dô Grand Loubard, ente demouravo soun moussur, lu coumte Adhémar de Charaban.
     O n'aguet pas meitié de tutâ, la porto éro drubido. Ca fai que, ô se campet dins l'entrado, sas socas d'uno mo et soun panié de l'autro.
     " y o co quaucu? ", credet-eü.
     O n'aguet pas de reipounso. Qu'ei que, par lu mament, n'y vio dins lu chateü noumas moussur Frederi. Quoique lu soulei siet naut, ô rouflavo dins soun liet et ô durmio si bé que lu tounar l'ôrio pas eivelia.
     Couma degu ne reipounio, Jean Picatau badet plus fort. O n'aguet douas bounas uchadas que faguéren tundî lu colidor.

Quete cop, moun ami, ô vai veire davalâ, par no cordo que pingouliavo, un pitit drôle billa de vart. Jean ne sabio pas que qu'éro un singe billa couma no persouno. O lu prenguet par lu fils dô moussur. Par bien dire la verita, ô lu troubavo plo quauque pau eicharni, mai passablement bourru, et ô ne vio pus vu de gent que vian no couo ô found de l'eichino. Mas notre Picatau s'eitounet pas de si pau.       (Avec la voix de Yvon Rouyer -Varaignes-)

       " Vous souate bien lu bounjour, moussur Frederi, disset-eü ô gouiardeü. V'ai pourta dôs perous " Loungovarts ".
     - Oua! oua! " s'isset lu drôle billa de vart, et, sei fâ de boniments, ô crôgnet quatre ô cinq perous. Après, ô reliet sur sa cordo, et vei lu qui eisubli.
     Picatau levavo lu nas par veire ent'ô vio passa, quante moussur de Charaban entret.
     Bien poliment, lu gouiat lu saludet et li damandet sous pourtaments. Après, ô li offrit soun present.
     " Tu n'as trouvé personne? disset lu coumte.
     - Vous fau pardou, notre moussur, véne de veire votre fils. O s'ei sôva par quello cordo."
     Et, par fâ plasei à moussur de Charaban, Picatau ajoutet :
     " Mai qu'ei un crâne gouiat, par moun arma, bien eicarabilla et libre coum'un chat! Et vous sabez, qu'ei tout à fet votre portret. Se n'ei la couo et la bourro, ô vous semblo couma douas gouttas d'aigo."