| Picatau
v'o fai rire souvent, ma bravo gent, mas, ôre, par chanjâ, ô vous fera purâ.
Que voulez-vous, mous paubreis, n'un ne po pas toujours s'amusâ dins la
vito. Hiar, nous risiam, mas huei ca siro lu countrali. Nous parlaram de
la mort de Picatau et notreis ueis van chandelâ. Eh! oui, mous amis, Jean Picatau, lu pus bounefant de Sent-Barrancou, Jean Picatau éro mort et sa gent n'en sabian ret. Veiqui coum'is z'apprenguéren: Un mati, reçobéren l'avis de nâ quére un "colis" à la garo de Nountroun. "Un colis? disséren-t-is. Que diable po co étre ? Qu'ei plo quauquo ret de notre grand dôdareü nous envoyo de Paris. Anfen, nous veiram co."
Quante lu viei Picatau aguet chaba de s'eiplamî, ô charget la caisso dessur soun charretou et s'entournet meita trebla. En arribant à la meijou, ô ne vio pus de figuro et sa fenno li damandet en tremblant: "Qu'ei co que se passo ? As-tu gu n'acident?" Paubro Mariéto! Qu'éro soun tour de s'einouyâ. Quante l'apprenguet la nouvélo, la n'aguet no grando credado et la toumbet sur lu plancha. Quante la se retournet, la coumencet de purâ couma no fount et, de temps en temps, la disio : " Ah ! moun paubre drôle! moun paubre Jean qu'o parti si santable et que torno mort..." |
||||
| vers le début de la page | ||||
|