LOUS VOUGNOUS DE LA BRlDlDl
       La Brididi éro la pus ressayablo chrétienno que y ayet dins lu mounde. Qu' éro un vré Cifar. Mai vous proumetet que la n'éro pas greissouso. L'orio fendu un piau par vei la meülo.
        Lous envitas li fesian toujours plasei, mas qu'éro... quand is partian. La rencuravo ço qu'is minjavan, et, dôs viageis, la ne poudio pas s'empeichâ de dire: "Lu ditoun dit bè la verita "Las siétas rouainen lous plats."
       Ca la chafreliavo de veire tout ço que Picatau minjava. Dei lu prumié jour, la lu prenguet en haïssenço et ca li teinavo deija qu'ô s'en ane. L'ensei, quand ô fuguet coueija, Pierre de Pedoueirou disset :
       "Moun ami, qu'ei un plasei de veire minjâ lu cousi.
       - Eh bè, s'isset-ello, si quei un pla... plasei par tu, ca n'en ei ga... gaire par me. O diable lu cou... cousi! O poudio bè ra... artâ ent'ô v'éro.
       "L'endemo, la damandet à Jean:
       "Sés-tu qui, qui, par loun... ountemps. Pi, pi, ca, ca, Pi, Picatau ?
       - Oh! vous sabés, cousino, reipoundet-eü, ca me taino pas de m'en anâ. M'einoyet pas couma vautreis. Rartarai à l'entour d'uno quinzeno de jours."
       Quand la Brididi ôvit co, ca li faguet lu mém' eiffet que si lu fio dô ceü vio toumba sur sa této.
       La juret que la ferio partî lu cousi. La chatet de rancountre quinze leüras d'ougnous qu'éran quauque pau eichôffas. Par lu dinâ, la n'en faguet no ragounado, et l'ensei, l'endemo, tous lous jours, à tous lous repas, la sarvit à tablo la mémo sauço rousso.
        "Queü gourmand o bè la peü duro, penset-ello, mas ca m'eitounaro s'ô ne filo pas ô bout de dous treis jours."
       Lu carcu éro boun. Quis vougnous eichôffas vian no vapour qu'ôrio surti la gent de la meijou, surtout quand is éran cramas. Un quite porc sinlié ôrio eita enfanoulia dô prumié cop. Mas Picatau vio boun peitrau. Quatre jours d'en ségo, ô se farcit d'ougnous. O se plenguet pas, ô ne partit point. La Brididi n'en ranavo. Si la vio ôsa, la l'ôrio souffleta.
      (Avec la voix de Yvon Rouyer -Varaignes-)
        Partant, lu goujat n'en veguet de las bluias mai de las negras. Tout lu jour ca li repruchavo. O sentio no brûlasou dins l'artouma et soun ventre bulinavo couma no marmito que troutino. La nuet, ô reibavo que lous vougnous l'accoursavan. O fugio tant qu'ô poudio, mas fesian lous rudelous et lu vian d'abord trapa. Après, fesian la roundo ôtour de se, et, ô mitan, n'y vio un pus gros que begôdavo et qu'éro billa en fenno.
        Tant bien que mau, ô tenio tout parié lu cop, mas qu'ei soun cousi que n'en veguet! O faguet couma la racliano, ô venguet de toutas las coulours. En ret de temps, sa lingo fuguet bluio, sous chais rousseüs et sous ueis rougeis. Lu paubre malurous vio si meichanto let qu'un mati ô buffet sur no puneijo : la toumbet redo morto.
       "Paubro bétio, disset-eü, huei qu'ei toun tour, demo ca siro lu meü.
       "Quand ô veguet par lu douzième cop lu mémo plat d'ougnous dessur sa tablo, ô penset : "Ca y ei. Quete cop, sai foutu." Mas ô ne disset ret à sa fenno, ô l'appriandavo trop. O coudignet Picatau.
       "Parlo li, tu", qu'ô disset.
       Jean, que n'éro pas si eipôri, damandet à quello bravo tindolo :
       "Brididi, qu'ei annado d'ougnous, ujan ?
       - Parque? Ei co que tu lous eimas pas?
       - Eh! siei plo, mas...
       - Ah! tu lous eimas? Eh bè t'en, t'en privo pas. Paubre cou... ousi, lous te ren... encuret point. Tet, vei t'en qui treis cu... culiéras de mai.
       - La! la! dit Picatau en s'eicharnissent. La ! ca n'y o prou..."
       En vesen tous qui vougnous, lu paubre chet pardet courage. Par lu prumié cop de sa vito, ô soubret ço qu'éro dins sa siéto.
       L'endemo, ô desartet, mai qu'éro temps, ô ne vio pus que la peü et lous vos. Soulament, quand ô disset ô reveire à sous cousis, ô n'embrasset pas la Brididi, ô n'ôrio pas pougu s'empeichâ de la mordre.
       "Cheitivo bétio! penset-eü en passant lu balet de la porto. Quand tu vendras me veire, te juret que tu siras bien soignado. Te nurrirai de peüs de poumpiro et de chabesso de carotas. "
vers le début de la page
Page d'accueil Glossaire
Table des histoires Histoire suivante