| Picatau
ribet dins Paris à la piquo dô jour. Quand ô surtit de soun coumpartiment,
ô se damandet s'ô reibavo quand ô veguet touto quello gent preissas que
belinavan couma de las farmis, tous quis trens qu'eitiflavan et quis grands
bâtiments pus nauts que de las granjas. Tout ço qu'ô vesio l'eiblôsissio
et li fesio virâ la této. O ne cujet pas surtî de la garo. Quand ô fuguet dins la rouo, ô penset qu'ô vio besoin de toundre. O bourret sur l'eipanlo d'un pitit Parisien caput et bounicou que passavo countre se. " Dijas, brave homme, disset-eü, pourrias-vous me dire si n'y o quauque coupadour de piaus en par aqui ? "
- Pas dô tout. O ne fai ret baillâ à lous qu'ô tound. - Ca vai, dit Picatau. Nam y d'abord. " Lu Parisien menet Jean ente lu coueiffour trabaillavo. Figuras-vous qu'ô v'éro campa davant las portas d'uno preijou et, quoique ca siet dabouro, y vio lu diable de gent que groumavan en attenden lur tour. " Foutre! dit Picatau, ca y o bè bien de cliants! S'i devet passâ après touto quello gent ne sirai pas toundu à la nuet. - Que si, moun ami. Quel homme copo lous piaus à la machino, vous coumprenez ? O vai vite dins soun trabai. - Ah! bien, dit Picatau, mas qu'ei bè eitounant qu'ô cope lous piaus defore et qu'ô trabaille vant soulei leva? - Ah! vous sabez, disset lu pitit homme, ô v'ei vaillent et ne crent pas la brimo. " Après vei douna tous qui ransegnaments, moun Parisien s'eisublit si vite que Picatau aguet à peno lu temps de lu remarciâ. Quand ô fuguet parti, Jean damandet à soun pus près vesi : " Ei co tôt votre tour de passâ à la machino? " Mas ô se faguet rejablâ d'en prumiéro. Ca fai que, ô n'adresset pus la paraulo à quel eisolent et ô viset trabaillâ lous empluyas dô coueiffour. De loin, ço qu'ô vesio lu miei qu'éro dous pitits chabrous plantas corto à corto sur un thiâtre. A la bélo cimo n'un vesio quauquo ret que lusissio : ca devio être la toundeuso. Quand tout fuguet plaça, menéren sur lu thiâtre un cliant que reguinavo et se fesio préque treinâ. Picatau penset qu'ô v'éro sadous ô b'étou que ca li fesio cremo de se fâ toundre. Lous garçous coueiffours coumencéren par coupâ quauqueis piaus dins lu cô de l'homme. Après, lu coualevéren et cougnéren sa této dins t'un étrou qu'éro en bas dôs chabrous. D'un cop set, lu patrou tiret no ficélo et la toundeuso davalet. Picatau coumptavo veire lous piaus voulâ de tous lous biais, mas qu'ei la této tout entiéro que rudelet dins t'un panié. Vous ne poudez pas vous figurâ l'eiffet que ca li faguet! O creguet que qu'éro n'acident, mas sous vesis lu ransegneren. Li disséren que lu fameüs coueiffour qu' éro lu bourreü Deibler. O venio de coupâ lu cô d'un assassen. " Eh bè, moun viei, dit Picatau, qu'ei un brave coueiffour que m'o eita ensegna! Par moun armo, lu pitit homme n'o pas menti! Fettivament, lous cliants de Deibler ne ruquen pas se plagnei de se, lous paubreis cheis. Soulament si queü moussur n'o que ma pretiquo, segur que sa toundeuso se rouillaro. " |
||||
| vers le début de la page | ||||
|