PICATAU PREND SOUN BILLET
       Queü vouiajour que marchavo de si boun pas avéque soun cabas pingoulia sur l'eipanlo ô bout d'un gros billou, qu'éro Jean Picatau. O navo veire soun cousi de Paris, et n'y vio point de lôvettas dins l'eitoulias ni de turlôriôs sur lous cireis que sian si countents que se.
       Jean n'éro point gliereü. O se vio pas deiguisa en moussur couma fan quauqueis foutrassous de campagno. O vio prengu tout simplament sa blouso dôs dimens, soun grand chapeü en nid de jasso et de bounas socas-souliés.
        Mas, s'ô se vio pas entumida par lous habits, ô ne vio pas ôbluda la vitoiro. Soun cabas éro chabissen, mai n'y vio préque besoin. O y vio mettu par soun cousi un lapin blanc mai no doujeno de rabas et, par se, ô empourtavo un tros de sala, un toupi de grillous, douas tétas de liças, de la sau et dô po, mai no bouteillo de cinq chapinas bouchado en d'uno panouillo.
        Picatau eicambavo bien. Dins ret de temps, ô fuguet à la garo de Nountroun. Coum'ô sabio que li foulio un billet, ô damandet ent'is lous baillavan. Li faguéren veire no benito en trelis couma lo dô parcetour. La vio un pitit guichou, et, de temps en temps, uno gento bloundo y paravo lu nas.
       Jean s'appruchet, tout en eipoutissen deçai-delai quauqueis arteis en sas grossas socas-souliés, et ô damandet un billet.      
        La fillo vouguet asoulament sabei ent'ô navo. Coum'ô sabio que las fennas soun quereüsas, ô ne troubet point affas.
        " Peique vous sés countento de zu sabei, disset-eü, m'en vau à Paris veire moun cousi Pierre de Pedoueirou, vous sabez bè, lu qu'ei marida en la Brididi, un boun drôle, par moun armo, et que gagno dô sôs... Par vous dire lu fi mout, ô v'ei ajant-voyé : qu'ei se que bouaisso las rouas.  
      (Avec la voix de Yvon Rouyer -Varaignes-)
        - Bon, bon, s'isset la fillo. Quelle classe?
        - Ah! par coqui, ne podet pas vous dire. Tout ço qu'i sabe, qu'ei qu'ô o fai soun temps dins lous zouaveis.
        - Vous ne comprenez pas. Je vous demande si vous désirez un billet de 1ère, 2ème ou 3ème classe?
       - Lous qu'a v'ei co que van lous pus vite?
        - La vitesse est la même pour tous, reipoundet la fillo en risen.
       - Eh bè, peique qu'ei entau, baillas-me lu meillour marcha. Qu'ei que, vous sabez, ne sai pas bien richet.
        - Voulez-vous un aller, ou bien un aller et retour?
        - Qu' ei bè la peno de zu me damandâ, disset-eü en frissant l'eipanlas. Cresez-vous qu'i vole demourâ à Paris? Couma ferian chas nous par las fôchas mai las meitivasous? Baillas-me un billet d' "alloun-allez", couma vous disez et ne sieis pas trop charento. "
       La fillo bloundo li dounet un billet en li disen lu prix. Picatau zu troubet char. O tarvellet parque la li eicouet diès sôs, et, par la fâ cedâ, ô li offrit douas rabas. " Las soun tendras couma la rousado ", disset-eü. Mas la ne vouguet pas deimordre. Quand ô veguet co, ô payet et passet sur lu trottoir, soun cabas sur l'eipanlo.
vers le début de la page
Page d'accueil Glossaire
Table des histoires Histoire suivante