LOUS LEBEROUS

Quand moun defunt peiri éro jône, ca n'y vio pas de routas dins lous pitits endreis. N'un ne vesio, à l'entour dô villageis, que dôs vieis chamis gôlious qu' éran souvent pus bas que las téras et que vian de chaque biai dôs plais de boueissous ô d'agrafeis.         Par nâ dins lous gros bourgs, y vio bè dôs grands chamis; qu'is pelavan de las poujas, mas n'éran gaire meliours que lous pitits, et, souvent, lous couquis y rétavan la gent. Lu prencipau de quis voulours de grands chamis, qu'éro lu fameüs Burgou que vio nacu à Nadalia, dins la communo de Marvau.         Dins queü temps, lous peisants éran crenteüs et paubreis. Ne vian pas de chavau ni mêmo d'anissou.         Ore, lous quiteis porcs fan lous moussurs. Van ô feiriau en vaturo ô en camiounetto, en attenden d'y nâ en avioun. Mas, autreis cops, fesian couma lous chrétiens, qu'ei à pied qu'is navan ô marcha.         Et lous minoutiés, se cresen-t-is ô jour d'ahuei avéque lurs gros camiouns que ménen mai de cinquanto sas de bla! Is an mounta en grade, lous brigands! Dins lu temps qu'i vous parle is n'éran noumas mouniés. Quand is vian fai môre lu bla et qu'is vian môdura, mettian lous sas de farino sur l'eichino de lur mulet et segian de par darei avéque un grand fouet qu'ils fesian pettâ en passant dins lous villageis.         Ancien temps, la gent s'eiclieiravan avéque dôs rousinous ô b'étou dôs chaleis garnis d'oli. N'y vio point d'eiletricita ni de tefesse (T. S. F.). Lous aviouns, las troyas mobilas (couma dit la Bimbi), las quit as bicyclétas, tout coqui n'éro pas enventa.         Soulament, y vio quauquo ret que nous ne vesen pus. Dins queü temps, lous morts éran quereüs. Is migravan de ço que lous vivents fesian et n'un vesio souvent de las tornas. De mai, y vio dôs leberous, point à Paris, bien entendu, mas dins notre pais, à l'entour de las charriéras et dins lous vieis chamis.               Quis leberous, ô leguerous, couma quaucus lous pelavan, n'éran pas de las bétias. Qu'éro dôs hommeis ô b'étou de las fennas qu'éran ensurcilias ô que fesian no penitenço. Pode pas vous dire ô jurte coum'is vian trapa quell' espéço de maladio. N'ai jamais eita leberou. Si quauqu'un de vautreis z'o eita, qu'ô nous diset ço que n'en ei.       (Avec la voix de Yvon Rouyer -Varaignes-)         Mas, ço qu'i pode vous assurâ, qu'ei que lous leberous galoupavan touto la nuet et segian nôs communas avant soulei leva. Troubavan-t-is un chi? Lu minjavan. Après, foutian sas trip as sur un plai. Qu' éro point par plasei qu'is fesian co, mas ne poudian pas s'en empeichâ : qu'éro lur lei de fâ entau.         Quante lous leberous troubavan quauque peisant bien gâte que venio dô trabai à jour fali, sôtavan sur soun eichino et se fesian pourtâ ô perôliou. Fesian de las caturas à queü paubre homme, li tiravant l'oreillas, li buffavan dins lu cagouei et, s'ô voulio virâ la této par lous visâ, li eicrupîssian dins lous ueis. En arribant près de la meijou, bien entendu, lous leberous davalan et se sôvavan en rachanant.         N'y o que deven se damandâ couma ca se fai que n'y ayet pus de leberous. Eh bè, vau vous dire couma lu semet s'ei pardu.         Quauque sei, à Sent-Froujous, ente la gent éran pus hardis qu'à Sent-Barrancou, y aguet un gaillard bounefant que pourtet un leberou jurquo dins sa meijou. Queü leberou l'engrôgnavo et reguinavo par se fâ lâchâ, mas, countre la forço, n'y o ret à fâ. A la ligour dô chalei, la gent veguéren que qu'éro un moussur dôs anvirouns. Par lu garî de soun leberounage, li foutéren no bouno eitrifouliado.         N'autre cop, ca fuguet piei. Avéque soun fusi à baguetto, lu viei Pata tuet no leberouno (la fuguet entarado ente moun tountoun Leünou o fai bâti sa fourniéro ).         Quello fenno éro no grando damo dô païs. Fô creire que qu'éro la mai dôs leberous, parque, deipei que l'ei morto, degu pus n'en an vu dins lu païs.

vers le début de la page

Page d'accueil Glossaire Table des histoires Histoire suivante