L'AMI BINI PAYO CHAPINO

Un jour de feiro, Picatau vio ôbluda soun portomounudo, mas ô n'ôbludet pas de vei set.         "Noum de sor! s'isset-eü, sai emmalurna! Partant. vole beüre chapino, ô lu diable y sirio!"         Après vei tira sous plans, ô s'appruchet d'un grand deigalabata que vio vendu dôs nurrins. Jamais pus ô lu vio vu, mas, quoique co, ô li bourret sur l'eipanlo.         "Tet, vous sés qui, paubre viei ami? disset-eü. Eh ! de sai io countent de vous veire!            (Avec la voix de Yvon Rouyer -Varaignes-)         - Arcusas, dit l'homme, vous couneisset pas.         - Tout de boun? Eh bè! me, y o lountemps qu'i vous couneisse. Vous vous pelas... anet, zu dirai io? Eidas-me...         - Me péle Bini, Jean de Bini.         - V'oui, Bini. Eh! ent'ei co qu'i vio la této? Vole dire, demouras-vous toujours dins quel endret plasent de... Ah! piti, sai io bétio! Z'ai ô bout de la lingo et pode pas zu dire...         - Qu'ei à Beaussac qu'i demore, disset l'homme.         - Jurtament, qu'ei ço qu'i voulio dire, à Beaussac, sur lu tuquet.         - Ah! nou, qu' ei dins lu found, vous sabez bè ?         - Plo, nous soum d'accord, dins lu found, en bas dô tuquet. Autroment, votro fillo ei toujours eicarabillado ? Lous galants deven pas li manquâ ?         - Vous fau pardou, nous n'am qu'un garçou.         - Qu'ei vrai, counfoundio avéque lotis vesis. Pensas s'i lu couneisse, votre fils. N'un po dire que qu'ei un gouiat gari de fat, queü d'aqui, vaillent et coum'ô fô. O ne dounerio pas du deimenti à d'un drôle de dous ans. Ah! malurous, qu'au boun garçou, votre Piarrou!         - Vous vous trompas, ô se pélo Jeanti.         - Bah! qu'ô siet Jeanti ô Piarrou, ca n'y fai ret dô tout. Ca ne chanjo pas sas qualitas. Segur que qu'ei lu meillour drôle dô païs. Eh bè! moun paubre Bini, n'y o pas qui de bouris à tourtillâ, fô que nous bevam à sa santa. Venez, qu'i payet chapino.         - Marci, n'ai pas set. D'aillours, n'ai pas lu temps.         - Mai m'étou sai pressa, dit Picatau. Mas y o tant de temps que nous n'am pas trinqua! Anet, venez. "        Tout en couvidant soun ami (?) Jean lu tirgoussavo, mai pas marfiament. Fouguet bè qu'ô ségue, lu paubre Bini. Queü brave Picatau ôrio eitripa sa blouso.         Beguéren no chapino, douas chapinas, treis chapinas. Couma de rasou, quello charougno de Picatau ne boujavo pas de soun siéti et jamais ne parlavo de payâ.         Bini troubavo lu temps loung. A la fi, ô pardet pacienço. O surtit sa bourso et paret un billet ô patrou. O coumptavo que Picatau li réterio lu bras. Mas, dins queü mament, quello gousso de Jean se trapet de pouchâ meichantament. Orias dit qu'ô v'éro peitrenari. Bounur par se que la poucho ne duret pas. La li passet cop set quand lu vi fuguet paya. Après, moun gaillard trapet Bini par lu bras et faguet semblant de s'eiruffî.        " Couma! se dit, qu'ei vous qu'as paya? Eh bé ! vous me jugas un brave tour! Par queü cop vous pardounet. Soulament, n'y tourneis pas, autroment n'ôriam baralio.        Anet, ô reveire, paubre viei ami, et bien lu bounjour chas vous."

vers le début de la page

Page d'accueil Glossaire Table des histoires Histoire suivante